Ықшамдалған таухид кітабы. 16-бап. Есім-сипаттарда болатын серік қосу жайлы. Ұстаз: Омар Теміртас

16. Есім-сипаттарда болатын серік қосу жайлы. Алла Тағала сөзінде: {Аллаға ең көркем есімдер тән, сондықтан Оған солар арқылы дұғамен жалбарыныңдар және Оның есімдерінде ақиқаттан ауытқығандарды қоя салыңдар} (Ағраф, 180). Ибн Әбу Хатим, Ибн Аббастың (р.а.) бұл аят турасындағы тәпсірін келтірді: {ауытқығандар} – яғни, серік қосқандар. Әғмаш (р.) бұл аяттың түсінігін келесі сөздермен баяндаған: «Олар сол есімдерге қатысы жоқ нәрселерді кіргізеді».Құрайш тайпасы Алланың елшісі صلى الله عليه وسلم” әр-Рохман”, - деп еске алып тұратынын естіген кезде, олар бұл есімді мойындаудан бас тартады, сонда Алла Тағала оларға байланысты мына аятты түсірген: {Олар әр-Рохманға(Рақымдыға) күпірлік келтіреді} (Роғд, 30). Али (р.а.) былай деп айтқан: «Адамдарға олардың білетін нәрсесімен сөйлеңдер. Сендер Алла мен Оның елшісі өтірікке шығарылуын қалайсыңдар ма?» Бұл сөздерді Бухари жеткізген. Ибн Аббас бір ер кісінің пайғамбардың صلى الله عليه وسلم Алла сипаттары жайлы хадисін естігенде, жаратпағандықтан селк еткендігін көреді. Сонда Ибн Аббас былай деп айтады: «Оларды қорқытатын не? Олар анық аятты оқып немесе естігенде жұмсақтық сезінеді, ал анық емес аяттарда олар құруға дейін барады». Әбу Шурайхтан (р.а.): «Мен Әбу Хакам деген атпен белгілі болатынмын. Бірде пайғамбар صلى الله عليه وسلم маған: «Расында, Алла ғана – Хакам(Үкім шығарушы), әрі үкім шығару Оған ғана тән», - деді. Сонда мен: «Менің қауымым бір істе тартысқан кезде, маған келетін. Мен олардың арасында үкім шығаратынмын, сонда екі жақта риза болатын. Сонда пайғамбар صلى الله عليه وسلم» :Бұл қандай керемет! Өзіңде балаң бар ма?», - деп сұрады. Мен: «Шурайх, Муслим, Абдулла есімді балаларым бар», - дедім. Пайғамбар صلى الله عليه وسلم» :Олардың ең үлкені кім», - деді. Сонда мен: «Шурайх», -деп жауап бердім. Пайғамбар صلى الله عليه وسلم» :Сен (енді) Әбу Шурайхсын», - деді».Хадисті Әбу Дәуд жеткізген.