Надежта никогаш не умира: зависници се лекуваат без лекови во столарска работилница

Гоце Мукевски е поранешен зависник кој преку процес на физичка работа се има излекувано. Неколку години хероинската зависност му го има уништувано животот, ги изгубил пријателите и роднините. Но, упорноста и желбата повторно да стане здрав човек му се исплатиле. Се пријавил во „Рето центар“, место каде што секој зависник преку процес на целодневна работа има шанси да се излекува. Сега Гоце, после долгите апстиненцијални кризи, е своевиден ментор, им помага на другите зависници, преку ангажирање во работилниците, да се излечат од зависностите. Неговата лична приказна ја раскажа за Трн, го пренесува своето лично патешествие како успеал водејќи се од мислата дека надежта никогаш не умира.