Алматының 28-Панфиловшылар паркінің шет жағындағы орындықтың бірінде кітап оқып отырғам. Көзінің жасы мөлтілдеп, терең күрсініп отырған келіншекке қайта-қайта қарай бердім. Келіншектің отырғанына бір сағаттан асып барады. Сәл орнынан көтеріліп тұрғысы келеді, бірақ өз денесі өзіне бой бермей тұрғандай, қозғалмай тас болып басып қалғандай. Келіншек 45-46 жас шамасында, келте шашты, тым арық, қараторы, өте жақсы киінген, сондық бір сұлу болмаса да өзіндік бір әдемілігі бар, қысыңқы келген сығыр көзі ашылмай, жас сорғалап ағып отыр. Бет орамалымен анда-санда танауын бір сүртіп қойып, көз жасына ерік беріп отыр. Аққан жас кеудесін сулап та тастады, оған мән бермейді, арқасын орындықтың арт жағына сүйеп, денесін бос ұстап, өз күйзелісінің кеудесінен шығып кетуіне ерік бергендей. Ешкімді елемейді, ешкімге көңіл де бөліп отырған жоқ. Мен қарама-қарсы орындықта тура қарап көз алмай отырмын, маған да көңіл бөлмейді. Тек егіліп жылап отыр. Тағы жарты сағат бақылап отырдым да, дәл осылай жылай берсе, не қысымы көтеріледі, болмаса жүрегіне күш түсетінін білемін. Қасына барып отырып, құтысы ашылмаған суым бар еді, соны көзінше ашып ұсындым. Ол таңырқай қызарып ісіп кеткен көзімен мұңайа қарады. ---Ішіп алыңызшы,--дедім. Келіншек суға қарап жұтынып алды да, қолына құтыны алды, аузына апарып кішкене ұрттап, сәл кідіріп, басын салбыратып, төмен салды. Мен суды қолынан алып: ---Бетіңізді жуып жіберіңіз,-деп орнымнан тұрып, суды құятын еп көрсетіп едім, келіншек сәл еңкейіп алақанын тосты. Мен су қуйдым, ол бет-аузын бірнеше рет жуып құтыға жабысты, мен бере салдым. Суды көбірек ішіп, тағы өзі бір қолына су қуйып, бетін, тамағын, желкесін жуды да, қутыны маған ұсынып бет орамалымен сүртініп, сәл қозғалып, су болып кеткен жерден жылжып, кеудесін көтеріп отырды да: ---УФФФ ...,-деп көзін жумып шалқайып, басын орындықтың шетіне қойып, су орамалын кеудесіне жапты. ---Құрбым, сенде бәрі дұрыс па?--дедім, судан өзім де бір жутып алып. Ол басын көтеріп: / @san_turli_tagdir #аудиокітап #әсерліәңгіме #болғаноқиға әңгімелер жинағы Құрметті менің сүйікті тыңдармандарым Арнама Тіркеліп қолдап кетініздер лүпіл басып пікір жазып қазақша каналдың дамуына үлес қоса отырыңыздар алдын ала рахмет
