Эцсийн эр хүн

Аим Алимтаас ирээд ганц хономогцоо эрлээ эхэлж Шүйжин гудамжаар явлаа. Шүйжин гудамж мод ихтэй. Зуу гаруй настай цагаан улиаснуудын мөчир сагсайгаад холоос айлын байшин халхална. Энэ гудамжинд хотын хамгийн сайн, хол ойрд ихэд алдартай орос маягийн уурын газар бий. Гурвалжин дөрвөлжин хэлбэртэй чулуунуудыг галд улайсгаж дээр нь том шанагаар хүйтэн ус хийх тэр хоромд халуун уур савсаж, маш тааламжтай болох аж.... Палат нас ахисан боловч өвөөгөөсөө үе дамжин ирсэн цорын ганц өв хөрөнгө болох уурын газраа ажиллуулсаар байгаа юм.