Англияға жұмысқа бармақ болған бір топ азамат алданып қалды. Сөздерінше, тұрғындардың әрқайсысы шетелге апарамыз деп сендірген компания өкілдеріне 750 мың теңгеден бастап бір миллион теңгеге дейін берген. Шақыртуды күтіп жүріп ақыры шаң қағып қалғандар енді ақымызды кері қайтарсын деп талап қоюда. Шетелге барып жалақысы жоғары жұмыстан дәмелі болған жұрттың жайын әріптесім Бауыржан Жақсымбет біліп қайтты. Әлеуметтік желі мен таныстарынан түскен жарнамаға жұрт бірден назар аударған. Англияға барып жалақысы жоғары жұмысқа тұруды көздегендер бірден келісімшартқа отырып, компанияның айтқан қаражатын санап беріпті. Аз ғана уақыттың ішінде шекара асып, ай сайын миллионнан жоғары табыс табасыңдар деген сөздің барлығы жалған болып шықты дейді жұрт. Енді бірі қарыз төлесе, енді бірі несиесін жауып қиналып жүр екен. ҚАЙРАТ МҰСАЕВ, Алматы қаласының тұрғыны: – SVictory-ге миллионнан бердік. 20 күн, максимум бір айда кетесіңдер деді. Сонымен бопты жарайды дедім. Бізді клубникаға барасыңдар деді. Болды. 300-400 адамдай, бізден кейін тағы да 200 бәленбай адам тағы жинап жатқан. Басқа жерден офис ашқан. Тағы да жинап жатыр адам. ҚАДІРХАН ШЫНЫБАЕВ, Шымкент қаласының тұрғыны: – Былтыр осы уақытта 850 мыңнан ақша бергенбіз келіншегім екеуміз .Сонымен алаяқтықпен әлі ақшамызды берген де жоқ, қайтарған да жоқ. Қаражат бергендеріне бір жылға жуықтаған тұрғындар енді полицияға арыз жазып, кінәлілерді жауапқа тартпақшы. Еліміздің түкпір-түкпірінен шетелге кетуді мақсат еткендер енді компания қызметкерлерімен соттасуды көздеп отыр. ТІЛЕУЖАН КІШКЕНЕБАЕВ, адвокат: – Сол компанияның басшысына қатысты біз арыз түсірдік. Себебі, осы кісілер сол компанияға берген. Бірақ ол компания ешқандай да әрекет жасамаған. 07:48 Олардың ондай жұмысқа тұрғызатындай мүмкіншілігі жоқ екенін де біз қазір анықтап отырмыз. Отбасын тастап, өзге жақтан қаражат табуды көздегендер мұндай компанияларға қатаң тексеру жүргізу керек деген ойда. Өйткені, соңғы жылдары ақша табу жолында ел аумағынан сыртқа қарай ағылатындар қатары көбейген. Ал Алматы қалалық полиция департаменті бұл іске байланысты тергеудің басталғанын хабарлады. АЛМАТЫ ҚАЛАСЫ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ: – Жәбірленушілердің арызы ағымдағы жылдың 22 қаңтарында Алмалы ауданындық полиция басқармасына келіп түскен болатын. Қазіргі таңда ҚК 190-бабының 3-тармағы бойынша қылмыстық іс қозғалып, барлық мән-жайлар анықталуда. Адал ақша табамыз деп алданғандар енді істің соңын күтіп жүр. Құлпынай теруден үмітті жұрт берген ақшаларын қайтаруды көздейді. Ал жауапты мамандар болса мұндай іске барар алдында компания туралы барлық мағлұматты тексеріп алуға кеңес береді. Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал
