Алматы облысы Іле ауданына қарасты Береке саяжайында өртенген үйден табылған үш адамның өліміне қатысты қамауға алынған күдікті бұл аса ауыр қылмысын екі күн қатарынан жасаған. 13 қыркүйек күні балалар сабаққа келмеген соң үйге мұғалімдер іздеп келгенде, күдікті екі бала мен әйелді өлтіріп, есікті іштен іліп отырған. Бұл туралы бізге марқұмның туыстары айтты. Ал, 14 қыркүйек күні кешкі уақытта қылмысын жасыру үшін үйге өрт қойып, өзі қонақ үйге кеткен. Байқұс балалар аналарын азаптап жатқан қаскөйдің қылмысының үстінен түсіп қалғаны үшін қаза тапқан көрінеді. Атышулы қылмыстық іске қатысты қазір тергеу амалдары басталды. Ал, қаскөйдің қолынан балаларымен бірге қаза тапқан Мадина Қамшыбаеваның жақындары, күдіктіге ату жазасы берілсе дейді. Қолы қанға малынғандарды салығымыз арқылы ақысын төлеп, түрмеде бақпасақ, баланы аямағанды асырамасақ, заңға өзгеріс енгізілсе дейді қайғыдан қабырғасы қайысқан қаралы отбасының мүшелері. Сүйегі шыққан үйді Мадина балаларымен және қазір күдікті деп танылған азаматпен жалға алып тұрып жатқан. Марқұмның әпкесінің айтуынша, осы үйді сатып алып, ішіне жөндеу жұмыстарын жасап, шетінен ақшасын беріп отырамын деген мақсатымен де бөліскен еді, тек соңғы кездері көңілсіздеу көрініп еді, дейді. «Айымы мен Мұрагерін ерекше жақсы көріп, сол балалары үшін күні-түні жұмыс істейтін еді, қызы өзіне тартқан пысық болатын» - дейді марқұм Мадина Қамшыбаеваның әпкесі. Біздің түсіру тобы күдіктінің қолынан қаза тапқан Мұрагер балақайдың әкесінің үйіне де барды. Мүмкін, Мадина өмірінің соңғы сәттерінде ұлының әкесіне өзінің мазасыздығын айтып қалған шығар деген оймен. Марқұмның әпкесіне жіберген соңғы видеосын да көрдік. Толығырақ келесі бейнематериалда. Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
