Арыс қаласында оқушылар арасында өткен «Жас сарбаздар» сайысының жеңімпаздары жарияланған кезде залда төбелес шыққан. Бірінші орынды иеленген команда бас жүлдеден құр қалдық деген болуы керек, жүргізуші сөзін ести сала, төбелесті бастап кетті дейді мәдениет үйіндегілер. Ал полиция бұзақылыққа қатысты тергеу жұмыстарын бастаған. Әлеуметтік желіге тараған осы бейнежазбада екі тараптың бір-бірін аяусыз ұрып жатқаны байқалады. Төбелестің сайыс жеңімпаздарын анықтаған тұста басталып кеткенін шараны жүргізген Жұлдыз Өтегенова да растады. Мәдениет үйінің жастар сайысын өткізуді қолға алғандар да өздері екен. Бас жүлде мен бірінші орын алған команда бірдей ұпай жинапты. Қазылар алқасы жекелеген сайыстардағы белсенділігін ескерді дейді мәдениет үйіндегілер. БОТАГӨЗ ҚҰРМАНБЕКОВА, Арыс қалалық мәдениет үйінің директоры: – Бірінші орын деп сол мектепті жариялады. Содан кейін бас жүлде ала алмай қалдық деді-ау деймін. Жариялап уже қолдарына беріп қойған едік қой біз оларға. Жарыста ауданның төрт мектебінен оқушылар спорттың бірнеше түрінен сайысқа түскен. Мәдениет үйіндегілер бас жүлдеге ниеттенген команда бірінші орын алып қалғанын естіген тұста, төбелесті бастап кетті деп отыр. Ал жұдырақтасуды бірінші бастады деген мектептің басшылығы сұхбат бермейміз деді. Есесіне мектеп директоры карантин кезінде бес жүз теңгеден билет сатып көрермен жинаған мәдениет үйін кінәлап отыр. Төбелесті кім бастағанын тергеу анықтайды. Бірақ бізге «қатаң сөгіс», екінші мектепке «сөгіс» берілгенімен келіспейміз дейді. Ал мәдениет үйінің басшылығына тәртіптік жаза қолданылып, санитар дәрігерлердің айыппұлы да салыныпты. БОТАГӨЗ ҚҰРМАНБЕКОВА, Арыс қалалық мәдениет үйінің директоры – Алдық. – Не берді сізге? – Штраф та берді. Қатаң сөгіс те берді. Полиция төбелеске қатысқандарды анықтап, бұзақылық бабымен іс қозғаған. Ал оқушылар сайысы 23 ақпанға орай емес, Ауған соғысы ардагерлерінің мерекесіне арналып жасалды дейді ұйымдастырушылар. Мәдениет үйінде бүгін де шара өткізіліп жатты. Алайда ол көрерменсіз деді. Бірақ түсірілім тобы келген соң ба, полиция шараны аяқсыз қалдырып, тарқатып үлгерді. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #жас_сарбаздар #төбелес #Арыс
