Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Қара алтынмен елдің несібесін еселеген Қарағандының тең жартысы кенші десек, артық емес. «Кеншілер мекені» атануы да содан. Тарихы тереңнен басталатын осы өлкеде ата-бабаларымыз өмір сүрді, өркен жайды. Арғы тегімізге шегініс жасасақ, руымыз Арғын, арғынның ішінде Қуандық, Қуандықтан Мұрат тарайды. Мұрат бабамыздан Элмамбет-Бегайдар би өрбіген. Атақты Бегайдар биден Теңізбай, одан тараған Ыcқақ кажының балалары Сайхан мен Мажкен аталарымыз бар. Шынында, Теңізбай ата- бабамыздан шыққан үрім-бұтақтың қай-қайсысы да осал болмады. Оның ішінде атап айтсақ, танымал жазушы Ғабиден Мұстафин да бар. Атамыз Ысқақ Мәжкен де сол мықтылардың қатарында деп мақтанышпен айтқан болар едік. Ол өмір бойы шахтыда қызмет етті. Оның атақшы шахтер Түсіп Күзембаев сынды майталманмен қоян -қолтық бірге әріптес болуы атамыз үшін үлкен мәртебе еді.
