Серік Ақсұңқарұлының сөзіне жазылған Табылды Досымовтың әні-Өмір деген күнді айналу!

Серік Ақсұңқарұлы аға! Құтты болсын!Жоғалғанымыз табылғандай болып жатырмыз. Табылды достың бұл әнін Сіз бен біз көп іздедік қой. Макс Күземхан әншіге мың алғыс! Менің пікірімді сұрапсыз. Әнге пікір айтатын әуестігім жоқ. Әркім білетін нәрсеге пікір білдіргені жөн шығар? Бір айтарым-Табылды сіздің өлеңдеріңізді жатқа оқып, шығармашылығыңызды қатты құрметтейтін. Аман болыңыз, аға! Серік Ақсұңқарұлы: Дірілдерін Гүрілдерін Құлақ түріп, тыңдай қалып – Бүгін менің, Жұмыр Жерім Бара жатыр Күнді айналып. Күн дегенде – Дүрбелең де Жүріп жатыр майдан әлі. Күймелер де, Мінбелер де, Түрмелер де Жермен бірге айналады. Керуен күнде – Серуен бірге. Тән Рухқа суарулы. Елмен бірге, Жермен бірге, Мен де айналам Күн Аруды. Күнді айналу – Мұңды ойлану, Көз жастағы көліңменен. Өмір деген – Күнді айналу!!! Күлге айналу – Өлім деген! Алтынға аптап асығыңды, Босап бір сәт мұңды ойлардан – Қарсы ал Жаңа Ғасырыңды, Алаш-Анам,Күнді айналған, Тектілері--гүлге айналған, Тексіздері--күлге айналған…