Сұхбат Серік АҚСҰҢҚАРҰЛЫ: «Қара өлеңнің потенциалын пайдалануымыз керек» Ақын Серік Ақсұңарұлының есімін ең алғаш Мұхтар Шахановтың бір сұхбатынан кездестірдім. Сол сұхбатта Мұхтар ата өзінен кейінгі толқынның ішінде Серік ақынды ерекше атап, «...Қазақ деген – Кенесары, денесі – бар, басы – жоқ» деген өлеңіне таңдай қаққанын айтады. Осы жолдар менің бала санамды да тосыннан тиген соққыдай есеңгіретіп жіберді, есейтіп жіберді. Одан кейін кітапханадан тауып алып, «Өмір деген – Күнді айналу» кітабымен таныстым (Маралтайдың «Кентаврымен» қатар оқығам). Өлеңді осылай жазу керек екен ғой деп ой түйдім. Еліктеп, бірер шумақ та тіздім... Өлеңдегі рухани ұстазым Ертіс-Баян өңіріне келді дегенді естіген соң, бір парақ қағазға саулдарымды жазып, алдына бардым. «Інім-ау» деп, еркелеп отырып, «Айналайын» деп еркелетіп отырып, емін-еркін әңгіме-дүкен құрдық. Естігенім менің ғана қоржынымда қалмасын деген ниетпен, Абай атындағы Мемлекеттік сыйлықтың иегері, көкейінде күлтегіннің жазуы бар ақын Серік Ақсұңқарұлымен арадағы әңгімені көрерменназарына ұсынуды жөн көрдім. Сұхбаттасқан: Еламан Қабділәшім Оператор: Дастан Искаков
