Маңғыстау облысында 10 жылдың ішінде бір де бір қылмыс тіркелмеген ауыл бар
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Маңғыстау облысында 10 жылдың ішінде бір де бір қылмыс тіркелмеген ауыл бар. Онды деп аталатын елдімекеннің өзге де көрсеткіштеріне облыс әкімі оң баға берді. Жазушы Әбіш Кекілбаев туған өлкені көркейтіп, еліміздің ең үлгілі ауылына айналдыру керек дейді Нұрдәулет Қилыбай. Аймақ басшысы аудан халқымен кездесіп, тұрғындарды мазалаған сұрақтарға да жауап берді. Әкімнің есебін әріптесім Махаббат Нұржанқызы тыңдап келді. Маңғыстау ауданының орталығына қоныс аударатын адамдар жыл сайын көбейіп жатыр. Халық саны артқан соң жергілікті билік ауылдың іргесінен жаңа шағын аудан салу жұмыстарын бастаған. Ауданның даму қарқынын тыңдаған облыс әкімі Онды ауылына ерекше тоқталып, елдімекеннің қылмыс бойынша көрсеткіштері қуантатынын жеткізді. НҰРДӘУЛЕТ ҚИЛЫБАЙ, Маңғыстау облысының әкімі: Үлгілі ауыл қылып көрсетеміз деп Онды ауылын таңдап отырмыз қазір. Ондының бір керемет көрсеткіші бар басқа жерде кемде кем. Ол соңғы неше жыл он-он бес жылда бір де бір криминал тіркелмеген. Үлгі ретінде көрсететін республикалық деңгейдегі ауылға айналдырғымыз келіп отыр. Шетпенің шетінде жүзден астам отбасы қоныстанып үлгерген. Тиісінше, 800 жер учаскесіне инфрақұрылым жүргізіліп, “Жайлы мектеп” жобасы аясында мектеп пен дәрігерлік амбулаторияның құрылысы жүргізіліп жатыр. Сондай-ақ, алдағы уақытта 600 орындық мәдениет үйі, спорт кешені және басқа да әкімшілік ғимараттар салу жоспарланған. АҚДАРИҒА ТӨЛЕУОВА, Шетпе ауылының тұрғыны: Мектеп салынды. Медпункт салынды үлкейіп жатыр иә жақсы. Болашақта енді орталық болады деп жатыр ғой. Жақсы болсын бәрі. ЖАНДОС РОМАН, Маңғыстау ауданы әкімінің орынбасары: Шетпе ауылының бас жоспары 2013 жылы жасақталып бұған дейін, 2014 жылы бекітілген. Қазіргі таңда сол жоспарға өзгеріс енгізу жұмыстары жүргізіліп жатыр. Негізгі мақсатымыз кәсіпкерлікті дамыту. Сондай-ақ, осы жаңа шағын ауданның тұрғындарды қоныстануын көбейту. Облыс әкімі Нұрдәулет Қилыбай тұрғындарды жеке-жеке қабылдап, халықтың мәселесіне құлақ түрді. Олардың қатарында кәсіп бастағысы келетін азаматтар да болды. Мәселен, тұрғынның бірі республикалық маңызы бар тас жолдың бойынан кэмпинг салу үшін жер телімін беруді сұрады. Өңір басшысы кәсіпкердің бастамасын қолдап, жауаптыларға жыл соңына дейін заң талаптарына сай жер учаскесін беруді тапсырды. Жиында жұртты тұқыртқан өзге де түйіткілдер өз шешімін тапты. -------------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
