Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Абай облысы Үржар ауданы Таскескен ауылы тарихының белгісі, Райып қажы мазарының мүшкіл халі туралы видеофильм биыл 23 маусымда жарияланған болатын. Ауыл белсендісі Жұматай Тұраровтың үндеуін Youtube каналында ондаған мың адам көрді. Комментарийдің көпшілігінде ескі мазарларды сақтап қалу мәселесін өкімет орындары мен көпшілік шешу керек деп айтылды. Төбесі тесіліп, құлағалы тұрған мазарда ешқашан белгі де болмаған, бұл жерде ерекше саяси тұлға жатқанын жергілікті халық та ұмыта бастаған. Райып қажының басына құлпытас, енді міне, не бәрі 10 күн ішінде қойылды. Таскескен жерінде құлпытасты Аякөз қаласының кәсіпкері, белсенді азамат Ғани Бейсебаев орнатты. Бұл оқиға 2025 жылы 3-ші шілдеде орын алды.
