Таскескен даласының орыстануын көрген Қазыбек батыр

Қазіргі Абай облысының оңтүстігінде Қарақалпақ руынан шыққан династия 18-ші ғасырдан 20-шы ғасырдың басына дейін ел биледі. Бұлар – жоңғармен соғысқан Қондығұл батырдың ұрпақтары. Қондығұлдың ұлы Қазыбек қазақ даласына кірген келесі отарлаушы, Орыс империясының әскерімен күресті. Қазыбек орыстар орнатқан әкімшілік жүйеде де қызмет етті, Аягөз дуанының басшысы болды. Орыс әкімшілігі Орта жүз қазақтарын сегіз аймаққа, сегіз дуанға бөлген. Аягөз дуанын Қазыбек басқарды. Қазыбек – Таскескен іргесінде жерленген Райып қажының атасы. Қазыбектің мазары жақын жерде, тасжол бойында орналасқан. Қазыбектің мазарын ұрпақтары жаңартып, 2010 жылы қайта салды. (Қазыбектің ұлы Шынтемір қажы, немересі Райып қажы туралы видеофильмдер жарияланған болатын. Сілтемелері - комментарийде. Келесі видеофильм Қазыбек батыр мазарының жанынан 2024 жылы көшірілген қорым туралы болмақ).