Түркістан облысында ұлттық спортты дамыту бағытында маңызды жиын өтті

Сайрам ауданының Қарасу ауылында Түркістан облыстық ұлттық спорт түрлері мектебі, аудандық ұлттық спорт клубтары және «Көкпар федерациясы» қоғамдық бірлестіктерінің қатысуымен кеңейтілген мәжіліс ұйымдастырылды. Жиынға облыстық мектеп директоры Жаныс Саев төрағалық етті. Басқосуда алдымен сөз алған Түркістан облыстық «Көкпар федерациясы» қоғамдық бірлестігінің төрағасы Ғани Ахметбаев өңірдегі көкпар спортының қазіргі ахуалына тоқталып, алда атқарылар жоспарлармен бөлісті. Ол көкпаршылардың дайындық деңгейін арттыру, жүйелі жаттығу процесін қалыптастыру мен бірқатар өзекті мәселелерді шешуге бағытталған ұсыныстарды ортаға салды. Мәжілісте төмендегі маңызды бағыттар талқыланды: ✅ 2003–2005 жылдары туған спортшылар арасынан облыстың ересектер құрамасын жасақтау және тәртіп, оқу-жаттығу жиындарына қатысуын қадағалау ✅ Қараша–желтоқсан айларында ересектер арасындағы облыстық турнирлерді ұйымдастыру ✅ Аудандық федерациялар және ұлттық спорт клубтарымен бірлескен жұмыстарды күшейту ✅ Командалық көкпардың деңгейін көтеру және облыс намысын қорғайтын спортшыларға қолдау көрсету ✅ Құрамаға ат қосып жүрген атбегілер еңбегін ескерусіз қалдырмау ✅ Ұсыныстар мен саладағы өзге де мәселелерді бірлесе талқылау Жиын соңында қатысушылар ұлттық спортты, соның ішінде көкпарды жаңа белеске көтеру бағытында бірқатар ортақ шешімдер қабылдап, тығыз ынтымақтастықта жұмыс істеуге уағдаласты.