Кинйә Арыҫланов – халҡыбыҙ геройы, ғорурлығы. Көйөргәҙе районының бренды һәм йәш быуынға илһөйәрлек өлгөһө булған шәхес. Нәҡ ул нигеҙ һалған ауылда, бер юлы өс Советтар Союзы Геройы - Ғәфиәтулла Арыҫланов, Сәлмән Биктимеров һәм Хәсән Ғайсин тыуған. Улар Кинйә батыр рухы йәшәгән ерҙән көс, дәрт-дарман алып, дошманды юҡ иткән, үҙҙәренең исемен Кинйә абыҙ кеүек үк ил тарихында алтын хәрефтәр менән яҙған. Бөгөн “Тормош” тапшырыуы Көйәргәҙе районы Кинйә -Абыҙ ауылында.
