Тараз жерінен бастау алған Жамбыл облысының «Рухани жаңғыру» жобалық офисінің «Рухани керуені» жобасының аясында Мойынқұм ауданындағы «Жоралғы күніне» Шу ауданынан аудан әкімінің орынбасары Ербол Айманбетов бастаған арнайы керуен Мойынқұм жеріне барды. Бұл атаулы топта Шу ауданынан 20-дан аса топ мүшелері болса сонымен қатар Жамбыл облысы "Рухани жаңғыру" жобалақ офисінің директоры Ринат Нұрақбаев та болды. Осы орайда көрші ауданға барған қонақтарды Мойынқұмдықтар ауданға кіре берістен Мойынқұм ауданы әкімінің орынбасары Сәбит Төлегенов бастаған Мойынқұмдық ардагерлер мен дәстүрлі мәдениет майталмандары салтанатты түрде құшақ жая қарсы алды.Сонымен қатар аудан орталығында орналасқан Жазылбек Қуанышбаев атындағы сая бағында еліне еңбегі сіңген көрнекті қайраткер Айтбай Назарбековтың 100 жыл толуына байланысты, өмірден озған күніне орай ескерткішіне гүл шоқтарын қойып, құран бағыштады. Осы жерде аудан әкімі Әлихан Балқыбеков Айтбай Назарбекұлын еске алып, алғы сөз сөлеп келген қонақтарға сәттілік тіледі. Сондай ақ, аудан орталығы мәдениет үйінің фаесінде ауданының ұйымдастыруымен Қазақи дәстүрлі қолөнер көрмелерін алға тартып, концерттік бағдарламаларға ұласты.
