8 сынып ХИМИЯ §13. Металдардың тұз ерітінділерімен әрекеттесуі
§13. Металдардың тұз ерітінділерімен әрекеттесуі 1. Металдардың белсенділік қатарын және үлкен (), кіші () белгілерін пайдаланып, әр жұптағы химиялық белсенді металды анықтаңдар: а) Mg және Zn ә) Pb және Fe б) Cu және Cr в) Na және Al 2. Берілген суретке назар аударыңдар. Қай стақанда реакция жүреді? Жүретін және жүрмейтін реакциялардың себептерін түсіндіріңдер. 3. Никель тақташа берілген тұз ерітінділеріне батырылған: а) MgSO4 ә) PbCl 2 б) CuSO 4 в) AgNO3 Никель қай тұз ерітінділерімен әрекеттеседі? Реакция теңдеулерін құрасты- рыңдар. 4. Мыс купоросы CuSO4 · 5H2O ерітіндісін неге темір ыдыста емес, шыны ыдыстарда әзірлейді? Жауаптарыңды реакция теңдеулері арқылы дәлелдеңдер. 5. Оқушы химия зертханасында металдар мен тұздарды пайдалана отырып тәжірибе жасады. Тәжірибе нәтижесі төмендегі кестеде берілген: ( × - реакция жүрмейді, - реакция жүреді). Осы металдардың белсенділік қатарын құрыңдар. Жүруі мүмкін химиялық реакциялардың теңдеулерін жазыңдар. 6. Дәптерлеріңе төменде берілген кестені сызыңдар. Сәйкес бағандарға жүруі мүмкін реакциялардың теңдеулерін жазыңдар, реакциялардың жүру жағдайларын көрсетіңдер. 7. Мирас ата-анасын таңғалдырып, оларға фокус көрсетуді шешті. Ол әкесіне күміс нитратына шырша түріндегі мыс сымды салуды ұсынды. Біраз уақыттан кейін мыс сымның беті шықтанып, күміс ұлпалы шыршаға айналды. а) Мыс сым күміс ұлпалы шыршаға қалай айналғанын түсіндіріңдер. ә) Химиялық реакция теңдеуін жазыңдар. б) Мыс сымдарын басқа металдан жасауға бола ма? Егер болса, онда қандай металдар, мысалдарын жазыңдар. 8. Сендерге мыс Cu, мырыш Zn және кальций Ca металдары бар үш сынауық берілген. Бұл металдардың сыртқы сипаттамалары сендерге белгісіз деп есептеңдер. Сендердің міндеттерің - әр металдың қай сынауықта екенін анықтау. Сендерге анықтау үшін мына заттар берілген: магний хлориді және сұйылтылған тұз қышқылы. Сынауықтардағы мыс Cu, мырыш Zn және кальций Ca металдарын қалай анықтауға болады? Реакция теңдеулерін жазыңдар. #металл #тұз #тұзерітіндісі #металдар #химиялықреакция #белсенділікқатары #8сынып#8сыныпхимия
