8 сынып ХИМИЯ §14. Металдардың жемірілуі және оның алдын алу

§14. Металдардың жемірілуі және оның алдын алу 1. Жемірілу деген не? Жемірілудің қандай түрлері бар? 2. Химиялық жемірілу деген не ? 3. Электрхимиялық жемірілу деген не? 4. Мыс, мырыш, магний және темір металдарының кішкене кесегі тұз қышқылының ерітіндісіне салынды. Қай сынауықта қандай металл барын анықтаңдар. Металдарды белсенділіктерінің кему ретімен орналастырыңдар. 5. Қай сынауықта темір шеге жемірілуге тез ұшырайды? Неге? 6. Таза темірден және темір мен мыс қоспасынан жасалған екі бұйымның қайсысы жемірілуге жылдам ұшырайды? Түсіндіріңдер. 7. Қышқыл ерітіндісіне батырылған темірге: а) мырыш тақташаны; ә) күміс тақташаны жанастырғанда оның жемірілуі күшейе ме, әлде баяулай ма? Түсіндіріңдер. 8. Жемірілудің алдын алу дегенді қалай түсінесіңдер? Тұрмыста жемірілуден қорғаудың қандай шараларын білесіңдер? 9. Іс жүзінде жүруі мүмкін реакция теңдеулерін жазып, теңестіріңдер: а) Pb + .......... → PbCl2 + H2 ә) Fe + HCl = FeCl2 + …… б) Al + H2SO4 = ……… + H2 в) Ag + H2SO4 = …………… г) Na + H2O = ………. + H2 ғ) Ba + ……… = Ba(OH)2 + H2 д) Zn + HBr = ….. + H2 10. 1969-1970 жылдары жүргізілген қазба жұмыстарының нәтижесінде Алматыдан 53,5 шақырым жерде, Есік өзені жағалауынан алтын киімді сақ жауынгерінің мүрдесі табылған (б.з.д. VI-V ғғ.). a) Бүгінгі күнге дейін алтын киім неліктен сақталғанын түсіндіріңдер. ә) Б.з.д. VI-V ғасырлардағы кезең темір дәуіріне жатады. Темірден жасалған киімдер сақтала ма? Себебін түсіндіріңдер. б) Жемірілуге ұшырауға бейім металдарға мысал келтіріңдер және жемірілу ұғымына анықтама беріңдер. в) Қандай жағдайлар металдардың жемірілуіне себеп болады? 11. АҚШ-тағы Азаттық мүсінінің құрылысы 1876-1886 жылдары жүргізілді. Мүсіннің ішкі бөлігі темірден жасалған, сыртқы бөлігі мыспен қапталған. Уақыт өте келе мүсін түсі ашық жасыл түске енді. Бірақ бұл - қышқыл жаңбыр әсерінен емес, тотығу реакциясының салдарынан болған құбылыс. Бұл өзгерісті түсіндіруге болатын ықтимал реакция теңдеуін жазыңдар. #металл #жемірілу #химиялықжемірілу #электрохимия #ингибитор #электрохимиялықжемірілу #таттану #8сыныпхимия #химия #8сынып #8сыныпхимия #8сынып #металл #металдар #химия