“Эзэгтэй” EP6 Ч.Уранхолбоо

Эзэгтэй нэвтрүүлгийн шинэ дугаарт Гала хамтлагийн дуучин Ану буюу Ч.Уранхолбоо оролцлоо. Тэрээр ханьтайгаа 26 насандаа учирч, маш олон шалгуураар сорьсны эцэст сонгож байжээ. Тухайлбал, бэрийн зурхай, энергийн зохицол, жил сар ордны нийлэмж зэргээр шинжиж байжээ. Мөн тэрээр ирээдүйн нөхрийнхөө тухай хүслийн захиа бичиж байсан нь бодит амьдрал дээр биеллээ олж улмаар заяаны ханьтайгаа учирсан байна. Өдгөө тэд таван охины аав ээж. Түүний хувьд нөхрийнхөө удмыг залгуулах хүү төрүүлэхээр төлөвлөжээ. Ч.Уранхолбоо: Жирэмсэн үед эмэгтэй хүний ажлын бүтээмж гурав дахин нэмэгддэг. Тиймээс хийхийг хүссэн зүйлээ энэ үед хийгээрэй. Мөн хүүхэд бурханаас өгсөн бэлэг учраас бүх цаг хугацааг аз жаргалтай өнгөрүүлэх хэрэгтэй.