Т.Хонгор: Шоунд ороод их бага хэмжээний дайралт ирнэ гэж тооцож байсан

Монголын хамгийн олон үзэгчтэй “Тэнгисийн эрэг дээрх 24/7” шоуны 2 дугаар улирлын оролцогч Т.Хонгорыг онцолж байна. Архангай аймгийн Хашаат сумын харьяат тэрээр хэдий Германд төрсөн ч монгол ахуйд ойр өсөж хүмүүжсэн гэдгээ бидэнд хэлж байлаа. Т.Хонгор “Вайбрейшн Берлин" ТББ-ыг үүсгэн байгуулагч бөгөөд энэ жил Германд сурч ажилладаг залуус нэгдэн Берлиний "Соёлын багт наадамд оролцон Монгол үндэстний нүүдлийн соёл, язгуур урлаг, түүхэн уламжлал, ахуй амьдралыг орчин үетэй хослуулан 3,6 сая Берлинчүүдэд эх орноо сурталчлан таниулсан байна.