Акробатикалық жаттығулар (гимнастика спортының жеке бір түрі)

Акробатика (лат. akrobateō, көне грекше: ἀκροβάτης — аяқтың ұшымен жүремін, өрмелеймін) – күш жұмсай орындалатын дене шынықтыру жаттығуларының бір түрі; цирк өнерінің жанры (акробатикалық күш жұмсау, секіру арқылы орындалады); спорт түрі (спорттық гимнастика). Акробатика біздің заманымыздан бұрын шамамен 2300 жылы Ежелгі Мысырда, Грекияда, тағы басқа елдерде пайда болды. Акробатикалық жаттығулар алғаш қалалардың ашық алаңдарында, базарларында орындалды. Бертін келе цирк аренасына көшіп, жаттығулары күрделене бастады. Акробатика – қазір спорттың кең тараған бір түрі. Қазақстанда спорттық акробатика 1933 жылдан тарай бастады және одан тұңғыш чемпионат 1949 жылы өткізілді. «Акробатика» термині грек тілінен шыққан (шамамен «көтерілу» немесе «аяқтың ұшымен жүру» деп аударылады). Бұл әртүрлі гимнастикалық жаттығулар кешені. Түсіндірме сөздікке сәйкес акробат тек осы спорт түрімен айналысатын адам ғана емес, жалпы мағынада - өте шапшаң және икемді адам. Қазіргі акробатикаға спорттық (ең алдымен гимнастикалық) жаттығулар кіреді - жалғыз және топтық, арқанмен жүру, трапециядағы этюдтер.