Бүгін – Абай күні. NIS Педагогикалық шеберлік орталығы ақынның кемел ойларын бүгінгі заманмен байланыстыра дәріптеуде «Шабыт» бағдарламасы мен «Шамшырақ» онлайн алаңында түрлі жобалар жүзеге асыруда. Тренерлер өз дәрістерінде Абай ілімін негізге ала отырып, ұстаздар мен келешек ұрпақ бойына эстетикалық құндылықтарды сіңіруге күш салып келеді. Бұл – ақын идеяларын насихаттаудағы жаңа қадам. Назарларыңызға орталық тренері, ақын-аудармашы Абай Қалшабектің хәкім шығармашылығы мен болмысынағы ұлттық құндылық туралы дәрісін ұсынамыз. Дәрісте Абай өз еңбектерінде тұжырымдап көрсеткен «толық адам» ілімі туралы сөз қозғалып, Құнанбайдың бала тәрбиесіндегі даналығы мен Абайдың алтын ережесі қамтылған.
