Саха АССР төрүттэммитэ 100 сылын көрсө уонна Төрөөбүт тыл, сурук-бичик күнүгэр анаан сахабыт тыла, литературата, театральнай искусствота, ураты эйгэтэ олохтоноругар сүҥкэн кылааттаах Саха театрын маҥнайгы дириэктэрэ, үйэлээх тапталы таҥара гынан үҥпүт улуу поэт Анемподист Софронов хоһоонноругар режиссер Руслан Тараховскай айбыт матыыптарынан «Алампа таптала» кэнсиэри көрөргүтүгэр ыҥырабыт. Кэнсиэргэ Саха театрын сүрүн режиссера Руслан Тараховскай айбыт матыыптарынан Саха театрын уонна Олоҥхо театрын артыыстарын истиҥ иэйиилээх толорууларын истиэххит. Тыыннаах дорҕоон доҕуһуолдьуттара – Иванида Бугулова, Вероника Лыткина, Прокопий Сыроватскай, Дьарааһын Павлов, Дмитрий Готовцев уонна Леонид Иванов - Лүҥкүр Ыллыыллар Саха театрын артыыстара - Александр Борисов, Валентин Макаров, Ирина Михайлова, Ильяна Павлова, Лена Маркова, Илья Стручков, Нюргуяна Шадрина; Олонхо театрын артыыстара - Анастасия Алексеева, Гаврил Менкяров, Валерий Саввинов, Мария Михалева, Иванида Алексеева. Саха театрын уонна Олоҥхо театрын холбоhуктаах тэрээһиннэрэ. Хас биирдии саха киһитин сүрэҕэр Алампа тыыннаах!
