"Қазақ тілі мен әдебиеті сабағында оқу сауаттылығын арттыру жолдары" қалалық семинар

2023 жылдың 15 ақпан күні Ақтөбе қаласы №61 жалпы білім беретін орта мектеп базасында Ақтөбе қалалық білім бөлімі әдістемелік кабинетінің жұмыс жоспарына сәйкес "Қазақ тілі мен әдебиеті сабағында ұлттық құндылықтарды негізге ала отырып, оқу сауаттылығын арттыру жолдары" тақырыбында қалалық семинар өтті. Семинардың мақсаты: Қазақ тілі мен әдебиеті сабағында ұлттық құндылықтарды негізге ала отырып, оқушылардың шығармашылық тұрғыда ойлау, шешім шығара алу қабілеттерін арттыру, іс жүзінде алған білімдерін өз тәжірибесінде қолдана білу жолдарын әріптестерімен бөлісу. Аталған семинарға Ақтөбе қалалық білім бөлімінің әдіскері Габдрашева Дәрігүл Төлеугалиевна мен қала мектептерінің 15 мұғалімі қатысты. Семинар барысында өздерінің ұтымды тәжірибелерімен бөліскен мұғалімдер: Қазақ тілі сабағынан педагог-зерттеуші Д.Т.Сатаева «Ғаламшардағы жаһандық мәселелер» ашық сабақ өткізді. Педагог-сарапшы М.Ә.Сарина Б.Момышұлы «Ұшқан ұя» шығармасындағы ұлттық құндылықтар» ашық сабақ өткізді. Педагогика ғылымдарының магистрі М.Ә.Оралбаева «Оқуға құштар ұлт жобасы-оқу сауаттылығын арттырудың кепілі» тәжірибесімен бөлісті. Педагог-зерттеушілер: Л.К.Наубетова, А.Ж.Бисембаева, Д.Т.Сатаева «Қазақ тілі мен әдебиеті сабағында ұлттық құндылықтарды негізге ала отырып, оқу сауаттылығын арттыру» Коучинг ұйымдастырды. Педагог-зерттеуші Г.К.Майташева мен педагогика ғылымдарының магистрі А.Н.Сүйеубаева «Пәнді оқытудағы инновациялық әдістер» тақырыбында өз әдіс-тәсілдерімен бөлісті. Педагогтармен кері байланысты қазақ тілі пәні мұғалімі А.К.Досмағамбетова ұйымдастырды. Қалалық семинарға қала мектептерінен 15 педагог қатысты. Семинарға қатысушы педагогтар инновациялық әдіс-тәсілдермен түрлері туралы білім көкжиектерін кеңейтті. Семинарға қатысушылар өткізілген іс-шараға жоғары баға беріп, алғыстарын білдірді.