Бай-Тайга кожууннуң Бай-Тал суурга, бөмбүктүг хоккей спорттунуң хоочуну, сумунуң «Хүндүлүг чурттакчызы», Алексей Монгушович Ламажаптың 60 харлаан юбилейинге тураскааткан республика чергелиг маргылдааны эрттирген. Ийи хүн үргүлчүлээн турнирниң түңнелинде, бирги шаңналдыг черни бүзүрелдии-биле Шуй суурнуң командазы чаалап алган, ийиги шаңналга Кызыл-Даг төлептиг болган. 3-4 дугаар шаңналдыг черлерже Бай-Тал болгаш Баян-Тала суурнуң командалары кирген.
