Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Сарыөзек гарнизонындағы әскери лазаретінің жеке құрамдары Кербұлақ ауданына қарасты Малайсары батыр ауылының орта мектебінің 7 «а» кадет сыныбының оқушыларына арналған «Ашық есік» күнін өткізді. Аталмыш іс-шараға мектептің алғашқы әскери дайындық пәнінің мұғалімі Усиян Таттибеков, сынып жетекшісі Сағыныш Абишев, әскери лазареттің қабылдау бөлімінің бастығы Жанна Бастыбаева, офицер психолог аға лейтенант Айбек Жеңіс, емхана бөлімінің дәрігері Бибігүл Бейсембаева қатысты. Экскурсия барысында оқушылар мекемедегі заманауи медициналық жабдықтармен танысып, одан кейін санитарлармен әңгімелесіп, оларды лазарет қабырғасындағы әскери қызметі туралы сұрап, тиісті жауаптарын алды. Ал мекеме қызметкерлері оқушылармен пікір алмасып, өз тәжірибелерімен бөлісті.
