Талдықорғанға еліміздің Бас муфтиі Наурызбай қажы Тағанұлы арнайы келді

4-5 қазан аралығында Жетісу облысында ХІV республикалық Құран оқу жарысы өтеді. Шараға ұйытқы болған - Қазақстан мұсылмандары діни басқармасы. Бүгін Талдықорғанға еліміздің Бас муфтиі Наурызбай қажы Тағанұлы арнайы келді. Ол Жетісу жерінен шыққан бабалар рухына арнап, 100 Құран хатым дұғасын жасады. Дәстүрлі түрде жалғасып келе жатқан игі шараға зиялы қауым өкілдері, республикалық құран байқауының әділқазылары, қарилар мен қала тұрғындары қатысты. Ал құран оқу жарысына еліміздің түпкір-түпкірінен 80 адам қатысады. Ең жас қари 8 жаста.