Спортшылардың өлімі. Литвиненко жайлы жылы естелік. Жасын кішірейткен футболшылар

Тараз футбол мектебінің Қазақстан құрамасына берген талантты шәкірттері көп. Солардың бірі – Олег Литвиненко. Мансабын Жамбыл облысында бастап, «Елімайда» жұлдызға айналған аңыз ойыншы 2007 жылы қайтыс болған еді. Шабуылшы ұлттық құрама сапында да жасындай жарқылдады. Тіпті, Катар құрамасына соққан голын жанкүйерлері әлі ұмытқан жоқ. ЖБ-ның бүгінгі шығарылымында біздің резиденттер Олег туралы жылы естеліктерін айтып, жалпы футболшылардың өліміне қатысты да әзіл аралас шындықты айтты. Сонымен қатар, жасын кішірейтіп, өзінен кішілермен футбол ойнаған ойыншыларға да тоқталдық.