Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Тас дәуірі – адамзат тарихындағы ең ұзақ мәдени-тарихи кезең, адам және оның шаруашылығының қалыптасуының бастапқы уақыты. Археологиялық дәуірге бөлуде алғашқы тас құралдарының пайда болуынан бастап, қола құралдарының шығуына дейінгі кезеңді қамтитын көне дәуір. Тас дәуірі көне тас ғасыры – палеолит, өтпелі кезең – мезолит, жаңа тас ғасыры – неолит болып бөлінеді. Палеолиттің ерекшелігі Еуразия мен Африка аймақтарының сол дәуірдегі мәдениеттерінің бір-біріне едәуір ұқсастығы. Тас ғасырында тас құралдарымен қатар сүйектен, ағаштан жасалғандары да қолданылды. Ежелгі палеолит адамдары бірігіп аң аулады, бірігіп терімшілік етті. Ежелгі палеолит кезеңінде дінге сенушілік болған жоқ. Ерте палеолит кезеңінде питекантроптар, синантроптар, гейдельберг адамы өмір сүрді. Ортаңғы палеолиттің мустье дәуірінде жаңа адамдар типі – неандертальдықтар қалыптасты. Бұл дəуір ескерткіштері Қазақстанның барлық аймақтарынан кездеседі. Ақтөбе жерін адамдар палеолиттің ерте кезеңдерінде-ақ мекендегеніне дәлел болатын ескерткіш бар. Ол – Жем өзенінен бастау алатын Төлеубұлақ үңгірі. Тарихи орында ежелгі адамдардың петроглифтері яғни ойылып салынған көне суреттері сақталған.
