VIDEO
“ЎХУМ” МАҲАЛЛАСИ “ХОТИРА ХИЁБОНИ”ГА МОТАМСАРО ОНА ҲАЙКАЛИ ЎРНАТИЛДИ Иккинчи жаҳон урушида қозонилган Ғалабанинг 80 йиллиги ҳамда “Хотира ва қадрлаш куни” арафасида “Ўхум” маҳалласида жойлашган 14-умумтаълим мактабини 1970-йилда битирган марҳум Тоҳир Норбоев бош бир гуруҳ синфдошлар “Ўхум” маҳалласидаги “Хотира хиёбони”га Мотамсаро она ҳайкалини ўрнатиш ташаббуси билан чиқишган эди.Иккинчи жаҳон урушида қозонилган Ғалабанинг 80 йиллиги ҳамда “Хотира ва қадрлаш куни” арафасида “Хотира хиёбони”га Мотамсаро она ҳайкали ўрнатилди. 1990 йилда ўхумликлар ташаббуси билан “Ўхум” маҳалласида Иккинчи жаҳон уруши йилларида қаҳрамонларча ҳалок бўлган ўхумлик жангчилар хотирасини абадийлаштириш мақсадида “Хотира хиёбони” ташкил этилиб, номаълум солдат ҳайкали ўрнатилган эди. Шу муносабат билан Ўхум маҳалласидаги “Хотира хиёбони”да Мотамсаро она ҳайкалини очилиши, Иккинчи жаҳон урушида қозонилган Ғалабанинг 80 йиллиги ҳамда “Хотира ва қадрлаш куни”га бағишланган тадбир бўлиб ўтди.Тадбирда Фориш туман ҳокимлиги вакиллари, нуронийлар, ёшлар, маҳалла аҳли иштирок этишди.Тадбирда меҳнат фахрийлари Ғойиб Эргашев, Эсонбой Полвонов, “Нуроний” жамғармаси Фориш туман бўлими раиси Шароф Унғалов, ўхумлик ёшлар номидан Дилдора Аҳмедовалар сўзга чиқишди.Шундан сўнг алвон лента қирқилиб, Мотамсаро она ҳайкали устига ёпилган мато туширилди.Тадбирда ўқувчи ёшлар урушда ва тинч йилларда ҳалок Ватан ҳимоячилари, боболари номларини бирма-бир ёдга олишиб, улар хотирасига бағишланган шеърларини ёддан ўқишди.Тадбирда Мотамсаро она ҳайкали пойига гулчамбарлар қўйилди. Ватан ҳимоячилари хотирасига Қуръон тиловат қилиниб, эҳсон дастурхони ёзилди.
