ТАЛҒАР АУДАНЫНЫҢ БІЛІМ БЕРУ ҚЫЗМЕТКЕРЛЕРІНІҢ ТАМЫЗ КЕҢЕСІ

ТАЛҒАР АУДАНЫНЫҢ БІЛІМ БЕРУ ҚЫЗМЕТКЕРЛЕРІНІҢ ТАМЫЗ КЕҢЕСІ Ағымдағы жылдың 21 тамыз күні Талғар ауданы Жаңалық ауылындағы №27 «Келешек» мектебінде «Білім келешегі: адал азамат – кәсіби маман» тақырыбында аудандық Тамыз кеңесінің панельдік сессиясы өтті. Сессияға Талғар ауданы бойынша 400-ден астам пән мұғалімдері мен әдістеме ісі - жөніндегі орынбасарлары қатысты. Кеңес аясында 11 бағыт бойынша сессия алаңдары ұйымдастырылып, әр пән мұғалімдері мен әдіскерлер өзекті мәселелерді талқылады: • Әдістемелік қызмет: білім сапасын арттыру мен мониторингтің тиімді жолдары • Қазақ тілі мен әдебиеті: жасанды интеллект технологияларын қолдану арқылы сабақ тиімділігін арттыру • Шет тілі (ағылшын): CLIL әдісі, жасанды интеллект және заманауи оқыту тәжірибелері • Бастауыш сыныптар мен мектепке дейінгі даярлық: заманауи әдіс-тәсілдер мен ЖИ қолдану • Тарих, құқық, география, АӘД, дене шынықтыру, көркем еңбек, музыка: инновациялық тәсілдер мен кәсіби құзыреттілікті дамыту Тамыз кеңесі – жаңа оқу жылы алдындағы маңызды тәжірибе алмасу алаңы. Мұнда педагогтар білім сапасын арттыру, оқушылардың функционалдық сауаттылығын дамыту, тәрбие мен кәсіби бағдарлаудың жаңа жолдарын қарастырды. Бұл басқосу – адал азамат тәрбиелеу мен кәсіби маман қалыптастырудағы ұстаздар қауымының бірлескен қадамы.