VIDEO
Әбдіжаппар Әлқожа - Қазаққа насихат Instagram | / abdizhappar_alkozha Booking / PR: +77027630101 Lyrics: Оразбек Киымбаев Music: Төлеген Байкуатов _________________________________________________________________________ Қариялар кешегі Шежірешіл деседі. Бүгінгілер жас қызды Әңгімелеп бөседі. Қызың шықты қылықсыз Тоздыратын көшені, Ұлың шықты сұрықсыз Сыйламайтын шешені, Адамдар-ай жаманнан Қайтпайтұғын меселі, Аңдығаны әйелдің Ауыл-елдің өсегі, Аңдығаны еркектің Арулардың төсегі, Адалдардың жолдарын Арамзалар кеседі. Тұлпарлары сүрініп, Бәйге алады есегі, Бір өмірдің тағдырын Бір оқпенен шешеді. Шіритіндер түрмеде Шалқып өмір кешеді. Бүйте берсек бір күні, Бастан бақыт көшеді. Болам деген бала да, Жанбай жатып өшеді. Ақылыңнан адассаң Жетер жерің осы елім. Көп адамның жыл сайын Жасы ғана өседі. Ашуланып арамға Жас үйірме жанарға, Түсінбесін түсін сен Ақылыңды айт наданға, Қайтарымын ойламай Жақсылық қыл жаманға, Қайтпайды деп қайғырмай Жомарттық қыл сараңға, Ілесем деп тұлпарға Шамшы салма шабанға, Жоққа жүйрік жетпейді, Барыңменен амалда, Өзгерді деп орынсыз Тіл тигізбе заманға, Заман ешбір өзгермес, Бар кемшілік адамда, Кім келіп,кім кетпеген Он сегіз мың ғаламға, Ерте кеш пе келеді, Ажал маған саған да, Мұрның барда бір сіңбір Деген ойды тәмамда, Өмір екі келмес деп, Қалыптасқан санаңда, Ғұмырың бар өлшеулі Сауап жинап қаларға, Мейірімді пәк Алла Екі өмір берген адамға! Ұмытылса тіл,дінің Тоз-тоз болар тірлігің Бодан болдық өзгеге, Біз бірнеше жыл бұрын Тоқсан бірде түргенбіз, Тәуелсіздік түндігін Жаратқанға мың да бір Шүкір етер күн бе екен Таусылғанда сабар-ау Жазғырмайды кімді-кім, Ел қолдауы болмаса, Шаба алмайды ділдігің Өз бағыңда ешқашан Сайрамайды бұлбұлың Ойланып ап жан-жақты, Әр адамның біл құнын Екі түрлі көрсетер, Екі басы дүрбінің Өтірік бар әркімнің Жасыратын шындығын Ақиқат бар жалғанның Бетке басар сұмдығын Жеткізбейді пендеге Дүние деген құрғырың Ауыз бірлік бар жерде Төне қоймас мұңды күн Қазақ болмас бір адам Көп болғанмен тұрғының Оралмайды өткен күн Жоғалмаса бірлігің! +7762611010 n.records.by.cygnusmusic@gmail.com Все права защищены. Несанкционированное использование произведений является нарушением действующего законодательства. Во избежание нарушения авторских прав, просим не загружать наши видео на свой канал. © Newtone Record's
