Асықты дойбы. Авторы: Отаржан Қуандықұлы

Дәстүрлі шарты: ойын дойбы тастарымен және үлкен көлемдегі дойбы алаңында (4*4) өткізіледі. Ойыншылар өз сақаларымен келуі шарт. Балаларды топтарға немесе жекелей бөліп ойнатуға болады. Сақалар 3-рет иіріледі. Кімнің сақасы алшы түссе, сол бастаушы болады. Бастаушы анықталған соң ақ тастарды алады. Ал қостаушы қара тастарды алады. Алаңда 4*4 тастан болады. Алдымен бастаушы сақаларды иіреді. Егер сақа алшы түссе – 4 жүріске ие болады; тәйкі түссе – 3 жүріске ие болады; бүк түссе – 2 жүріске ие болады; ал шік түссе – 1 жүріске ие болады. Ойыншылар жүрістерін аяқтаған соң, сақаларды қостаушы иіреді. Осылай ойын кезекпен жалғасып отырады. Егер де бір ойыншының тасы екінші ойыншының тасының алдында тұрса, онда үстінен аттап өтуге рұқсат беріледі. Ойында ең алғашқы болып, тастарын қарсы бетке өткізген және биге шығарып үлгерген ойыншы жеңімпаз атанады. Ал егер де бастаушы барлық тастарын биге шығарып үлгерген соң, қарсыласының да тасы соңғы жүрісте биге шықса, ойын тең аяқталады. Видеода жасанды интелектімен ойнау тәсілі. Осы сілтемеге өтіп, ойнауға болады.