Кесарь тілігі – ғасырлар бойы жасалып келе жатқан хирургиялық тәсіл. Көптеген жансыздандыру әдістері мен антибиотик дәрілер көбейген сайын жатырды тілу арқылы босандыру әлемде қалыпты құбылысқа айналды. Кесарь тілігі жоспарлы және шұғыл түрде жасалатын деп екіге бөлінеді. Егер жүкті әйелдің алғашқы екі баласы кесарь тілігімен алынған болса, онда одан кейінгі сәбилері де осы жолмен дүниеге келеді. Ондай жағдайда жүкті әйелдің айы-күні таяғанда ота жасалатын күн алдын-ала белгіленіп, ол операциядан бірнеше күн бұрын ауруханаға келіп жатады. Бұл – жоспарлы кесарь тілігі. Ал толғақ кезінде ананың денсаулығында әртүрлі асқынулар пайда болса, яғни қан қысымы көтеріліп, бүйрек, бауыр қызметтерінде қалыптан тыс өзгерістер пайда болса немесе толғақ кезінде баланың жүрек соғысы нашарлай бастаса, қағанақ суының түсі өзгерсе, онда екеуінің өмірін сақтап қалу үшін, амал жоқ, кесарь тілігіне жүгінуге тура келеді. Бұл – кесарь тілігінің шұғыл түрі. Жұлынға салынатын эпидуральды анастезия ана мен бала үшін ең қауіпсіз әдіс болып саналады. Оның артықшылығы сол, ана баласының «шыр» етіп дүниеге келгеніне куә болып, сәбиін мейірленіп, қолына ала алады. Былайша айтқанда, әйел есін біліп жатады. Кесарь тілігін ешқандай медициналық көрсетілімсіз, әйелдің қалауымен жасауға бола ма? Біздің ойымызша, кесарь тілігі әйел адамның денсаулығына немесе нәрестенің өміріне қауіп төнген жағдайда ғана жасалуы тиіс. Қазіргі таңда кесарь тілігі арқылы босану үшін белгілі талаптар мен шарттарға сай болу керек. Жоғарғы медициналық жабдықтармен қамтамассыз етілген перзентханаларда, дәрігердің рұқсатымен, кесарь тілігінен кейін де табиғи жолмен босануға болады. Әрине, ең біріншіден ана мен баланың денсаулығы ескеріледі. Сол себепті болашақ аналарға айтар кеңесіміз, ең біріншіден өз денсаулықтарыңызды күтіңіздер. Дені сау ана-дені сау ұрпақтың кепілі. ТОО "ALHADAYA" Қазақстан Республикасы, Алматы қаласы, Тимирязев көшесі, 69үй. Сайт:
Instagram:
https://instagram.com/alhadaya_karaze... Instagram:
https://instagram.com/alhadaya_omega3... What’s App:
Байланыс телефоны: +7(708) 742-25-89
