🪁Балабақшамызда өткен аптада басталған «Ана тілім - байлығым!» атты тіл апталығы аяқталды. 🪁Апталық аясында, балабақша топтарында Ана тілімізге арналған ертеңгіліктер өткізілді. Және балабақшамыз үшін өте маңызды жаңалықтар болды. 🪁Атап айтсақ, меңгерушіміз Балауса Төлеуғалиқызы «Гуманитарлық сала өкілдері, қазақ тілінің мəртебесін көтеруде шығармашылық белсенділік танытқан тұлғалар, қазақ тілін оқыту бойынша IT жобалардың авторлары болып саналатын білікті мамандар, сондай-ақ гуманитарлық салада ынтымақтастықты нығайтуға жəне дамытуға елеулі үлес қосқан шетел азаматтары марапатталатын» «Ахмет Байтұрсынұлы» төсбелгісімен марапатталды. 🪁Балауса Толеугалиевна мектепке дейінгі білім беру мекемесінің оқу-тәрбиелеу процесіне жаңа инновациялық технологияларды, әдістерді мейілінше тиімді,оңтайлы пайдалануды әрдайым қолдап отыратын жаңашыл басшы екені баршаға мәлім. Осы тіл апталығының аясында, балабақша меңгерушісінің бастамасымен «Lego» сыныбы ашылды. 🪁Лего технологиясы - балабақшада қолдануға ыңғайлы, оқыту барысын ойын арқылы жүргізуге мүмкіндік беретін тәсіл. Құрастыру кезінде ұсақ қол моторикасы жақсы дамиды, жаттығады; ойлау процессі (бала алдында белгілі бір мақсат қойылады, мысалға мұнара құрау делік, сол мұнараны дұрыс жасау үшін бала ойланып, сәйкес келетін бөлшеткі, түсті таңдай бастайды); зейін, есте сақтау процестері және ең бастысы коммуникация. Лего құрауыштарын ер балалар да, қыз балалар да қолдана алады; Бала өміріне қауіпсіз: қолын кесіп алу, жарақаттану, жұтып қою қаупі жоқ; Бала денсаулығына қауіпсіз, оң әсерін тигізеді. Бала құрастыру барысында қимылдап, әркез қозғалыста болады; Легоны бала балабақшада тәрбиешісімен ғана емес, өз үйінде ата-анасымен ойнап та құрастыра алады. 🪁Ұсақ қол моторикасын дамыта отыра біз баланы сөйлеуге, толық сөйлемдерді айтуға, өз ойын дұрыс жеткізе білуге үйретеміз. Сабақ уақытында топтық жұмыс ұйымдастырып, балаларды ұжымда жұмыс жасауды, ұжымда басқалармен тіл табысуды үйрету үшін де осы Лего технологияларын пайдалану тиімді. 🪁Лего технологиясы- баланың жан-жақты әрі үйлесімді дамуына септігін тигізетін, ойын ойнау барысында сабақ жүргізуге, психикалық процесстердің қарқынды дамуына мүмкіндік беретін технология. Оны балабақшада пайдалану негізінде көрсетілген мақсатқа жетіп, оң нәтиже алуға, баланың мектепке даярлығын жүргізуге болады. Сондықтан, жаңа заман технологияларын жетік меңгерген, жан-жақты біліммен қаруланған маман иесін біз балабақша қабырғасынан бастап дұрыс тәрбиелеуіміз керек деген міндетті бастап кеттік. 🪁Сонымен қатар, «Қазақшаң қалай, балақай?» қалалық сайысына Ләззат Базаркелдіқызының «Бәйтерек» даярлық тобы қатысуда. Педагог-тәрбиеші балабақша бағдарламасында мемлекеттік тілді үйретуге қаншалықты биік деңгейде көңіл бөлінгендігін, балалармен жүйелі түрде жұмыс істеу деңгейін бір бейне роликтер көрсете білді. 🪁Байқап қарасаңыз қазіргі уақытта балабақшамыздың даярлық тобында тәрбиеленіп жатқан өзге ұлт өкілінің әрбір баласы қазақ тілінде оқытылатын мектепке баруға әбден дайын екенін байқауға болады.
