Созақ ауданындағы Ысқақ баб кесенесі құлауға шақ тұр

Созақ ауданындағы Ысқақ баб кесенесі Бетпақдала бастала берер тұста орналасқан. Соңғы жылдары кесененің күмбезінен су өтіп, ішкі қабаты қабыршақтанып, үгітіле бастапты. Жергілікті жұрт жөндеу жасалмаса, сан жылдық тарихы бар нысан жақын арада құлауы мүмкін деп алаңдаулы. Бірақ биылғы бюджетте ескерткішті қалпына келтіруге қаржы қарастырылмаған. Ысқақ баб кесенесі тарихи тереңнен басталатын Бабата ауылында тұр. Бұл жерде біздің дәуіріміздің 6-8 ғасырында Баладж қаласы болған. Бертінде оны Ысқақ бабтың құрметіне Бабата деп ауыстырған. Ұлы Жібек жолы бойындағы сәулеті келіскен қаланы Шыңғыс ханның әскері шабады. 8-ші ғасырлар шамасында салынған кесене мешіт те болған. Бірақ бүгінгі жағдайы мәз емес. Күмбезінен су өтеді.