Мәтіні: Ассалаумағалейкум жаңашыл ұстаз! Мұғалім қашан да ізденісте жүреді, қашан да жаңа нәрсені іздеп тұратыны үйреншікті жайт. Көбіне кабинет безендіруде немесе сабақ барысындағы слайдтарға, я болмаса портфолиоға қажетті суреттерді интернетті ақтарып таба алмай жатамыз. Ал кейбір жақсы сайттар бар, бірақ ақша сұрайды. Осындай суреттерді қайдан тегін алуға болатынын сізбен бөліскелі отырмын. 1. Presentationgo.com Мұнда сіз дайын суреттері бар слайдтарды көшіріп ала аласыз. Өзіңізге ұнаған суретті ашып, Power Point арқылы өзгерту енгізуіңізге болады. Суреттердің қоры біршама көп, әсіресе портфолио жасауға таптырмас құрал. 2. All-free-download.com Бұл сайтта бірыңғай вектор форматтағы суреттер (яғни қанша үлкейтсең де анық болып қала береді). Сондықтан мұндағы суреттерді кабинеттің безендірулеріне немесе баннерлерге шығаруға қолайлы. Суреттерді .ai форматында сақтап аласыз. Бұл форматты Adobe Illustrator программасы көмегімен ашып, ішіндегі жазулар мен пішіндерін өзгертіп ала аласыз. Егер сізде бұдан өзге жақсы идеялар туындап жатса, Adobe Illustrator көмегімен өзіңіз салып шығуыңызға болады. Бұл программаның мүмкіндіктері өте көп. Мен осы видеом арқылы сізге қажетті ақпарат бердім деп ойлаймын. Сізде басқа да идеялар болса, немесе басқа да пайдаланып жүрген жақсы сайттар болса, бізбен бөлісіңіз. Келесі видеода кездескенше!
