Пайғамбар ﷺ өмірбаяны 37-дәріс: Мадина дәуірі 14. Ұстаз: Омар Теміртас

3-ЖЫЛ Һижраның 3-жылы Зу-Амар жорығы жасалды және Алла Елшісі ﷺ Кағб ибн Ашрафқа қарсы адамдар жіберді. Одан кейін Осман ибн Аффан Пайғамбарымыздың ﷺ қызы Умму Кульсумге үйленді. Сол кездерде пайғамбардың ﷺ өзі де Хафсаға неке қиды. Бұдан соң Бухрон мен Қорода бағытында әскери жорықтар ұйымдастырылды. Кейін Пайғамбарымыз ﷺ Хузейманың қызы Зәйнәбке некесін қиды. Алайда Зәйнәб неке қиылғаннан кейін екі-үш айдан соң Раббысына қайтты. Осылайша Пайғамбарымыз ﷺ үш жұбайымен өмір сүріп жатты.