Муңгаш чарылды, чыл бажы келди

Шагаа бүдүүзүнде Тыва үндезин культура төвүнге «Муңгаш чарары» деп ханы уткалыг ёзулал база тоол кежээзи болуп эрткен. Ук ёзулалдың утказы – Шагаа бүдүүзүнде кел чыдар чылда эки чүүлдер биле багай чүүлдерниң демиселин чарып, үнүп орар чылда чүгле аас-кежикти, чедиишкиннерни кыйгырып, багай күштерни тиилээринге дузалаары. Тыва чоннуң ыдык байырлалы Шагаа таварыштыр тоол ыдар мөөрей база «Муңгаш чарары» деп ёзулал дугайында бистиң тырттырар бөлүүвүстүң дараазында материалында.