Қазақ ортасына танымал болып кеткен «Батыр Баян» көркем фильмінің соңында батыр санаулы сарбазбен кектеніп жоңғарларға шаппай ма! Жоңғар батыры Жоржыны жекпе-жекте атынан аударып түсіріп, буындырып өлтіреді. Көркем фильм желісі бойынша Абылайдың рұқсатынсыз жауға шапқан Баян батырға қазақ әскері арашаға түспейді. Сосын қаптаған жоңғар батырды найза ұшымен көтеріп, ажалын азапты етеді. Ал осы көріністі түсіру қаншалықты сәтті шықты? Осы сауалға жауапты актердің өз аузынан естідік.
