Енді Қазақстанд жеке кәсіпкерлікпен айналысатын әйелдерге декреттік төлем алудың жолы қиындайды. Өйткені 1 шілдеден бастап кәсіпкерлер төлейтін әлеуметтік аударымдардың схемасы өзгереді. Осы мәселе бойынша Еңбек және халықты әлеуметтік қорғау министрлігі Әлеуметтік кодекске өзгерістер мен толықтырулар енгізуді жоспарлап отыр. Қазір талқыланып жатқан заң жобасы бір ауыздан мақұлданса, онда жеке кәсіп ашқан әйелдер декреттік төлем алу үшін өз табысынан зейнетақы жарналары мен әлеуметтік аударымдарды бірдей төлеуге міндеттелетін болады. Бес баланың анасы Райхан мемлекеттен тек бір-ақ рет, онда да үшінші қызына декреттік төлем алғанын айтады. Еш жерде жұмыс істемейтін ол міндетті әлеуметтік төлемдерді ай сайын жеке кәсіпкерлік арқылы төлеп отырыпты. Бірақ артық ақша салғаныммен көп айырмашылық болмады. Түскен ақша 12 ай бойы төлеген шығынымды ғана жабуға жетті дейді. Райхан, үкімет жеке кәсіпкерлік арқылы берілетін декреттік төлемді төмендететін болса әр балаға төленетін жәрдемақы көлемін ұлғайту керек дейді. РАЙХАН КҮНГЕРБАЕВА, Астана қаласының тұрғыны: – Ол құйылған ақша бәрібір сол ақша ғой. Қанша сома құясың, сол сомадан кішкене артығы 200 мың теңге болатын шығар. Одан артық алынбайды. Лучше декретныйды жұмыс істеп алған дұрыс. Мысалға менің 5 қызым бар. Бес қызыма дәл қазір 69 000 аламын. 69 000 шынын айтсаң бір күнге жетпейді. Мүмкін шектеу қойғаны да дұрыс шығар. Мемлекеттен басқалай қаржы бөлінетін шығар деп ойлаймын. Иә, елімізде декреттік демалысқа қыруар қаржымен шығамын деген әйелдердің айласы енді іске аспай қалуы әбден мүмкін. Оған 1 шілдеден бастап күшіне енетін жаңа заң жобасы себеп болады. Егер қазір Әлеуметтік кодекске енгізіліп жатқан өзгерістер мен толықтырулар көптің талқысынан өтіп, бір ауыздан қабылданатын болса кәсіпкерлер үшін әлеуметтік аударымдарды төлеу жүйесі өзгереді. Яғни, жеке кәсіп ашқан әр әйел өз табысынан зейнетақы жарнасы мен әлеуметтік аударымдарды төлеуге міндеттелетін болады. Ал бұл кезде қосымша әлеуметтік аударымдардан түсетін жәрдемақы мөлшері азаюы мүмкін. Алайда экономист Ләззат Нұрғалиқызы үкімет осындай шектеулер арқылы әлеуметтік қорды сырттан келетін қаржының көлемінен емес әзірге халықтың қалтасынан толтырып жатқанын айтады. ЛӘЗЗАТ НҰРҒАЛИҚЫЗЫ, экономист: – Соңғы 12 айдың мөлшерінде есептелінеді. Сіз сол миллионның 10 пайызын өзіңіздің әлеуметтік мемлекеттік қорға аударуыңыз керек. Ал тап соның тағы 10 пайызын зейнетақы қорына аударатын болсаңыз, әрине сізге келетін табыс миллион болмайды, екі есе азаюы мүмкін. Алдында 10 пайызын төлесеңіз, енді 20 пайызын төйлейсіз. Бұрын миллион алатын болсаңыз енді 500-600 мың болып азайып қалады. Осы күнге дейін болашақ аналар мемлекеттен берілетін әлеуметтік төлемдерді көбірек алу үшін жеке кәсіпкерлік ашып, сол арқылы мемлекеттік әлеуметтік сақтандыру қорына қосымша жарналар аударып отыратын. Яғни міндетті зейнетақы жарнасын төмен, ал әлеуметтік аударымдарды жоғары мөлшерде төлеп келді. Ал бұл әлеуметтік, соның ішінде декреттік жәрдемақы көлеміне қатты әсер ететін. Алайда кейбір мамандар мұндай қулық елдің экономикасына кері әсер ететінін айтады. СӘБИТ РЫСБАЙ, қоғам белсендісі: – Уақытша, бала көтергеннен кейін ИП ашады. Одан кейін барады да оған ақша құяды. Көбірек құйып отырады. Айлықтарын көп көрсетеді. Ал ол нәрсе орташа айлықтың өсуіне әкеліп соғады. Кәсіпкерлердің де санын көбейтеді. Мен ол нәрсені дұрыс деп көрмеймін. Елімізде 1 қаңтардан бастап максималды декреттік төлем мөлшері 1 852 200 теңге болды. Ал республика қазынасынан бала туғанда берілетін бір жолғы жәрдемақы үшін 66 миллиард, бір жарым жасқа дейінгі бала күтіміне төленетін жәрдемақыға 44 миллард теңге бөлінді. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
