Жүрсін ЕРМАН – ақын, айтыс ақындары мен жыршы-термешілердің халықаралық Одағының төрағасы. Жезқазған теледидарында қызмет істеген жылдары (1972-1980) ақындар айтысының теленұсқасын жасау арқылы асыл мұраны жаңғырту жолын бастады. 1984 жылдың наурыз айынан бергі отыз жыл бойы айтыстың республикалық телеарналардан насихатталу ісіне бас ие болып келеді. М. Мақатаев атындағы сыйлықтың екі мәрте иегері. Қазақстанның Еңбек сіңірген қайраткері. «Құрмет» орденімен марапатталған. Қаз дауысты Қазыбек бидің 350 жылдығына орай ұйымдастырылған Халықаралық ақындар айтысын өткізуге келген сапарында #SUXBAT жобасының қонағы болды.
