Шымкент мектебіндегі еңбек дауы: 76 мұғалім жаңа мектепке ауысуға мәжбүр болған

Шымкентте №69 мектепте жұмыс істеген мұғалімдер мектеп алдына жиналып, бір жарым айдан бері мәселесі шешілмегенін жеткізді. Олар бірінші қыркүйектен бері бұрын жұмыс істеген мекемеден есеп айырысу құжатын алмаған. №69 мектепте жұмыс істеген 76 мұғалім оқу жылының басында жаңадан ашылған жекеменшік мектепке ауысқан. Олардың сөзінше, 27 шілдеде еңбек демалысынан келіп, №69 мектепте бір ай үш күн жұмыс істеген. 1 қыркүйекте жаңа мектепке ауысқан. Мұғалімдер еңбек шартын бұзып, жаңа жұмысқа орналасқан. Енді мұғалімдер есеп айырысу құжатын сұрап отыр. Ал Шымкенттің білім басқармасы мұғалімдер еңбек демалысынан кейін бірден жаңа жұмысқа ауысса ғана есеп айырысу құжаты берілетінін айтады. Енді он шақты мұғалім құжатты беріп, төлем жасауды талап етті.