Қызылорда қаласында оқушылар бір жылдан бері не ойын алаңы, не спорт залы жоқ мектепте білім алып жатыр. Ең сұмдығы, жеке білім ұясы бала оқыту үшін санитарлық-эпидемиологиялық орталықтан рұқсат та алмаған. Бірақ сөйте тұра, мектепке мемлекеттен ай сайын қыруар қаражат бөлінеді. Ал мұғалімдер осы білім ұйымының құрылтайшысы біздің жалақымыздан жырып, толық төлемейді деп шағымданып отыр Қаладағы "Аманат school" деп аталатын жеке мектептің жаңа ғимараты талаптарға толық сай келмесе де, өткен күзден бастап оқушыларды қабылдаған. Алайда мұнда не спорт зал, не ойын алаңы жоқ. Тіпті бұған дейін асхана болмағандықтан оқушылар дәлізде тамақтанған. Бірақ сонда да ата-аналар бауыр еті балаларының білім алу үшін, ай сайын 25 мың теңге төлеп келеді. Ата-аналардың айтуынша, жағдай енді оңалады деп жүргенде, білім ұясының құрылтайшысы оларға оқушыларды өздерің қалаған мектепке ауыстыра беріңдер деген. АҚНҰР НӘЛІБАЕВА, Ата-ана: – Балаларыңды әкетсеңдер, әкете беріңдер. Бұл бизнес дейді. Сонда балаларымызды бизнеске айналдырғаны ма? Не алаң жоқ, не спорт зал жоқ. Баланы ішінде қамап отырады. Бұған қоса, мұғалімдер де мектеп басшылығы белгіленген жалақымызды толық бермей жүр деп шағымданды. Сондай-ақ, құрылтайшы мен директор арасында да келіспеушілік болып жатыр дейді ұстаздар. Айтуларынша, ұжымның берекесі қашқан соң мұғалімдердің көбі тіпті өз еріктерімен жұмыстан шығып кеткен. АЙЫМТОРЫ СҮГІРОВА, "Аманат school" мектебінің мұғалімі: – Құрылтайшының кесірінен мектебімізде саботаж болды. Жұмыстан кетсеңдер кете беріңдер деді. Мен сосын басшыға қолымды қойдырып, жұмыстан кеттім. БАЯН СҮЙЕУБАЕВА, "Аманат school" мектебінің директоры: – Сонымен қазір мұғалімдердің барлығы жұмыстан шыққан. Мен оны қанағаттандырып бергенмін. Ал бүгін мұғалімдердің ақшасын беру проблемасы болып тұр. Ал құрылтайшы қызметкерлерінің жөнді жалақы ала алмай келуіне директорды кінәлап отыр. Айтуынша, ол жұмысты дұрыс үйлестіре алмаған. Сондықтан жаңа басшы тағайындаймын дейді. АҚМАРАЛ КАМАЛОВА, "Аманат school" мектебінің құрылтайшысы: – Арты осындай айқай-шу болып кетіп жатыр. Мен өзім мұғалімдермен араласпаймын. Бірақ кейін шығып жатыр да. Айлықты дұрыстап бермеген. Айлық ұсталған. Мен екеуінен заявление алдым. Сонымен қоса, құрылтайшы білім ұясының санитарлық эпидемиологиялық қорытындысы жоқ екенін растады. Сөйте тұра, мектептің әрбір шәкірті үшін мемлекет тарапынан айына 60 мың теңгеден төленеді екен. Ал бюджет есебінен қаржыландырылып отырса да, білім басқармасындағылар жеке мектептің жұмысына бақылау жасай алмаймыз дейді. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
