Кеен чӱмдӱ бу Алтайда Кебис јараш бу јалаҥда, Ак тайганыҥ эдегинде, Ак талайдыҥ јарадында Тегин эмес јӱрӱм јӱрген Баатырыс јуртаган Ары кӧрзӧ, андый эмес, Бери кӧрзӧ, мындый эмес, Ары кӧрзӧ - айудый, Бери кӧрзӧ - бӧрӱдий, Коркор сӧс ол билбес Баатырыс јуртаган Алтайынаҥ алкышту: Аткан огы чике тийер, Минген ады јаражы Эткен эдим эптӱзи, Айткан сӧзи чечени. Угыгар, угыгар, угыгар! Калганчыда баатыр айткан: "Келер-келер бу чактарда Кебис јараш бу јалаҥда, Кеен чӱмдӱ бу Алтайда Кубулар, кубулар јӱрӱмис! Алтайыма чак келер, Албатыбыс азып јӱрер, Ачы корон суу ичип, Албатым астигар Алтайда, Алтайда, Алтайда! Кижи, кижи, оҥдошпой, Јаҥ блаажып согужар. Ӧскӧ калык ол келип, Ӧскӧ јaҥ га ӱредер. Ӱредер, ӱредер, ӱредер! Качан бирде Алтайга Алтай баатыр уул келер. Албатыбыс ойгонып, Алтай јаҥын бирлик билип, Јаранар, јаранар јӱрӱмис! Tranlations source: