Заавал том гэлтгүй өөрийн гэсэн жижиг бизнестэй болох хүсэл бүх хүнд байдаг. Гэхдээ ихэнх хүмүүс нэг зүйл дээр алддаг - Бизнесээ төлөвлөх. Би ч гэсэн анхны бизнесээ эхлүүлж байхдаа (ресторан) алдсан. Жишээлбэл: -Ямар төрлийн хоолон дээр анхаарах, -Зорилтот үйлчлүүлэгчид маань хэн гэдэг, -Хэрхэн дараагийн үйлчлүүлэгчээ татах, -Одоо байгаа үйлчлүүлэгчээ хэрхэн авч үлдэх тал дээр анхаардаггүй байсан. “Failing to plan is planning to fail” - Benjamin Franklin “Төлөвлөгөө гаргаагүй учраас бүтэлгүйтдэг” гэсэн үг байдаг. Хэрвээ та бизнестэй болохыг хүсэж байвал хэзээ нэг цагт хөрөнгө оруулалт татах шаардлагатай тулгарч магадгүй. Тэр үед бизнес төлөвлөгөө хамгийн чухал. Бизнес төлөвлөгөө бичихдээ хаанаас эхэлж, ямар загвараар бичих, юу нь илүү чухал болохыг мэддэг байх хэрэгтэй. Бичлэгээр энэ тухай илүү дэлгэрэнгүй тайлбарласан байгаа бөгөөд нийт 10 хэсэгт хуваасан загвар бэлдсэн байгаа. Үүнд: 1. Бизнес Төлөвлөгөө 2. Хэрэглэгчийн Сегментүүд 3. Үнэ Цэнийн Санал 4. Сувгууд 5. Хэрэглэгчийн Харилцаа 6. Орлогын Эх Үүсвэр 7. Гол Эх Үүсвэр 8. Голлох Үйл Ажиллагаа 9. Гол Түншүүд 10. Зардлын Бүтэц. Төлөвлөгөөгөө тайван бодож байгаад аль болох дэлгэрэнгүй бичээрэй. Өмнө нь хэзээ ч бодож байгаагүй зүйлсийг та олж харах болно. Мөн бизнесээ эхлүүлэх гэж бүү яараарай. Түрээсийн гэрээ байгуулах, тавилга авах, пейжээ эхлүүлэх зэрэг зүйлс хамгийн сүүлийн алхам шүү. Хамгийн эхэнд - ТӨЛӨВЛӨГӨӨ!!! Амжилттай бизнесээ эхлүүлцгээе. Бизнес Төлөвлөгөө Загвар:
