Слова и музыка: Сульгии Гаджиевой (1947) 1 Вун заз акун тешпигь я са ахвар хьиз, Ви иервал гьахьнай рикӀиз дамардиз. Зи манийри лув гурай ви дидардиз, Муьгьуьббат ви илгьам яни, Умрият. Тикрарбенд: Вун са гъед я вили цавун сегьнеда, Гагь перишан, гагь сирлу яз хъуьреда. Вуч сир ава ви вилерин дегьнеда, Вун гъетерал гьейран яни, Умрият. Чан Умрият, чан Умрият, Умрият Вун гъетерал гьейран яни, Умрият . Чан Умрият, чан Умрият, Умрият, Муьгьуьббат ви илгьам яни, Умрият. 2 Наз къалуриз гуьзелрин са хесет я, Заз килигиз хъвер багъиша минет я. Куьн гуьзелар лезги чилин девлет я, Зи манияр ваз дарман я, Умрият. Тикрарбенд: Кьисметар я къурбанд хьурай фелекдиз, Низ чида кьван аватайла гьелекдиз. Зун къведа чан гьамиша ваз куьмекдиз, Ви милли хъвер заз дарман я, Умрият. Чан Умрият, чан Умрият, Умрият, Зи манияр ваз дарман я Умрият. Чан Умрият, чан Умрият, Умрият, Ви милли хъвер заз дарман я, Умрият.
