VIDEO
…”Махчины жил”-ийн аймшигийг бий болгосон зовлонт охины хувь тавилангийн ээдрээ дуусаагүй. Ухаан солиорсон хүчит заан, эцэг эхийн үйлийн үртэс, харь элэгтний шуналын төлөөснөөс дахин амилсан ороолон хоёрын дундаас төрсөн үр нутаг зондоо дахин айдас төрүүлж эхэллээ. Зэрэгцээд чонын эрлэг болсон анч ноход, эрмэг азарга, хурдан хүлгийг учир битүүлэг аварга том хар чоно дагуулсан хүн дүрстэн үзэгдэж хөнөөв. Чонын өсийг авах мэт. Аймшигийн цуу хүн зоны дунд шуурга мэт хуйлран тархлаа. Энэ бүгдийн нууцыг тайлж, аюулыг сөрөхөөр анчин эр Иш, бөх Гүнчин, төлөөлөгч Чой нар дахин нэгдэв. Махчины үр, ойд орхигдож чононд тэжээгдсэн хүү, зоригт эрсийн түүх хэрхэн өрнөхийг “Хүн чоно” адал явдалт туужаас хүлээн авч сонсоорой.
