Жас сарбаздармен теориялық және практикалық дәрістер өтіп жатыр

Сарыөзек гарнизонындағы 12740 әскери бөлімінде Отан алдындағы қасиетті борышын өтеуге келген жас сарбаздар бастапқы дайындық кезеңінен өтуде. Қазіргі уақытта оқу жоспарына сәйкес, жас сарбаздар теориялық және практикалық сабақтарға қатысуда. Теориялық дәрістерде әскери жарғылар, қару-жарақ түрлері, саптық дайындық ережелері, әскери анттың маңызы мен жауынгердің күн тәртібі түсіндірілуде. Ал практикалық сабақтарда сарбаздар қарумен жұмыс істеу, атыс дайындықтарының бастапқы элементтері, саптық жүріс пен әскери қимылдарды орындау тәсілдерін меңгеріп жатыр.