ПУБЛИЦИСТИКАЛЫҚ СТИЛЬ ЖҰРТҚА ҮНДЕУ, ҮГІТ АЙТУДА ПАЙДАЛАНЫЛАДЫ ЖӘНЕ МАҢЫЗДЫ МӘСЕЛЕЛЕР ТАҚЫРЫП БОЛАДЫ

Instagram:   / gaziza.kozhagulova   TikTok:   / gaziza.kozhagulova   Публицистика (латынша: көпшілік, әлеумет) - қоғам өмірі үшін маңызды мәселелерді талқылау деген ұғымда жұмсалады. Публицистикалық стиль қоғамдық талапқа сай жазылған шығармалардың негізінде қалыптасады. Бірқатар лингвистер публицистикалық стильдің жазбаша түріне саяси тақырыпқа жазылған газет, журналдардағы мақалалар, памфлет, очерк т.б. шығармаларды, шешендік сөздер публицистикалық стильдің ауызша түріне жатады. Публицистикалық стильдің сипаты. Публицистикалық стиль жұртқа үндеу, үгіт айтуда пайдаланылады. Мұндай үндеуге, үгітке қоғам үшін және дәл сол кезеңде зор мәні бар мәселелер тақырып болады. Мысалы, саяси, экономикалық, экологиялық, мәдени, моральдық мәселелер. Үндеудің, үгіттеудің мақсаты - жұртшылықты қоғамдық мәні бар іске қатыстыру, жұртшылықтың санасына ықпал ету. Қалыптасу кезеңі Ресейде XVIII ғасырда ең бірінші газет жарық көрді; сықақ журналдар шыға бастайды. XIX ғасырдың екінші жартысы публицистикаға үлкен өзгерістер енген кез болды. Жазба публицистика баспасөз мәдениетінің өркендеп даму дәрежесін көрсетеді. Қазақ баспасөзі - Қазан төңкерісінің жемісі. “Қазақстанда революциядан бұрын баспа орны болған жоқ. Бірен-саран шыққан кітаптарда қазақ тілі бұрмаланып басылып жүрді. Қазақ тілінде ең тұңғыш басылған кітаптың бірі - “Қозы Қөрпеш - Баян сұлу” қиссасы (ең алғаш -1816 жылы басылыпты. Публицистикалық стиль ерекшеліктері: Өңдеу жұртқа үндеу, үгіт айту үшін қолданылады; қоғамдағы маңызды мәселелер тақырып болады: саяси, экономикалық, экологиялық, мәдени, моральдық мәселелер; сөз нақты, жинақы, тұжырымды құрылады; экспрессивті, екпінді болады; тыңдаушыларды немесе оқырманды сол мәселеге араласуға жетелейтіндей болып құрылады; тақырыбына сай көркем әдебиет не ғылыми стильге жақын болады; ауызша, жазбаша формада болады, ауызекі айтылғанда, ауызекі сөйлеу стилінің сипаттарына ие болады.